तोर पूजा करन दिन- राति
गुरू हो तोर पूजा करन दिन- राति
तन दिया करन मन बाति
गुरू हो तोर पूजा करन दिन- राति
प्रेम रूपी तेल अउ श्रद्धा सुमन हे
तुंहर चरणों म इहि अरपन हे
अउ नइये फूल पाति
तोर पूजा के देखेन महिमा
मया बरस गे खोर- गलिन मा
गली- कुरिया के तनगे छाती
तोर पूजा म सोना पायेन
हीरा पायेन
ज्ञान के मोती जखीरा पायेन
तन- मन होगे ममहाती
तोर पूजा ह सेत कमल हे
करके देखेन, सत के बल हे
सहज जोग फल दाति
- के. आर. मार्कण्डेय
Comments
Post a Comment