हमर गाँव म जयंती हे आहू देवदास

हमर गाँव म जयंती हे आहू देवदास
तोला नेवता भेजत हन, लगे हवेआस

गाँव के दुवारी म, तोरण लगाये हन
खोर,गली-अंगना, मिल के सजाये हन
बसती के बसती, लगत हे उचास

जैत खाम , गुरू द्वारा, सेत म सजाये हन
तीरे- तीर बिजली के झालर लगाये हन
कुरसी- शमियाना घलो लगे हवे खास

आहू तुंहर दरशन कर सुख पाबो
गाहू- बजाहू, हम पालो चढ़ाबो
तोर पंथी के उड़ही गाँव म सुबास

गुरू घासीदास के जयंती म आहू
आरूग फूल तुम आ के चढ़ाहू