बिजली बिल
सब तोरे दिल से हे
तोर ल जादा संसो
मोला बिजली बिल के हे
टी. वी. केहे त टी वी लानेव
लानेव होम थियेटर
पानी बर पनघट म झगरा
घर म आ गे मोटर
सब तोरे दिल से हे
घाम घड़ी म कूलर मांगे
जाड़ा दिन बर हीटर
पंखा अयरन, फिरिज चलगे
नल म लगगे गीजर
सब तोरे दिल से हे
लेपटाप, कमपूटर मांगे
मांगे संग म प्रिन्टर
सबो के मेहमानी म
दउड़त हवे मीटर
सब तोरे दिल से हे
- सा. के. आर. मार्कण्डेय. ( बिजली तिहार मानो )
जय
Comments
Post a Comment